Сания Әхтәмова
Бу гыйлемдә – тынычлыгым. Мәгълум фәннәрдән бары математика ялганнан
һәм нигезләнмәгән төшенчәләрдән азат.
Декарт Р.
Фани дөнья ялганыннан
Күңел кайтып килсә газап.
Күчәм саннар дөньясына-
Ялганнардан алар азат.
Юк.
Салкын һэм кырыс тугел
Формулалар белән саннар!
Серлелеген, гүзәллеген
Мөкиббән җан шундук аңлар.
Сафлык-пакълек һәм камиллек
Хаким итә бу мохиттә.
Хөр фикердә тәртип булмас
Бу гыйлемсез берничек тә!
Ерак-ерак гасырлардан
Бүгенгәчә җиткән килеп,-
Евклид, Гаусс, Пифагорлар
Аңлашкан тел аның теле.
Шөкер, аны аңлыйм кебек.
Һәр табышка җан шатлана.
Бу гыйлемдә- тынычлыгым,
Өмет, җиңү һәм тантана.
